Fjalor I Gjuhes Shqipe/ Fialuer I Rii I Sheypes

Parathënie e botimit anastatik
VLERAT E PASHTERSHME TË NJË FJALORI
Pas Fjalorit të Frang Bardhit (1635) dhe të K Kristoforidhit (botuar me 1904) vepra mé e rëndësishme e leksikografisë shqiptare deri në mesin e shek. XX është ALUER i Rii i Shcypés. Perbiam Préie Shocniiét t'Bashkimit, shtypur në Shkodër më 1908 dhe që njihet shkurt si Fjalori i Bashkimit.
Parathënia është e 9 janarit 1908, por dihet se punime të kësaj natyre kërkojnë mjaft vite për t'u hartuar dhe sidomos po të mbahet parasysh shkalla e njohjes së leksikut të shqipes në atë kohë dhee pasqyrimit të tij nëpër fjalorë. Që në programin e Shoqërisë "Bashkimi" parashihej hartimi i një fjalori, krahas punimeve të tjera gjuhësore. Mund të përcaktohet hyrja e shekullit të ri si fillimi i hartimit, pa përjashtuar një vazhdë të mëparshme të mbledhjes së fjalës shqipe. Faik Konica me 1904 (Albania', nr. 2) ka njoftuar, se "Bashkimi po përgatiste një fjalor shqip më të plotë se të gjithë fjalorët e derisotëm". Interesimi i tij shpjegohet me mbështetjen që shprehte për alfabetin e "Bashkimit" dhe me prirjet vetjake për të nxjerrë në dukje fjalët e shqipes.