Hajdi

Romani “Hajdi” i autores Johanna Spyri ka magjepsur dhe intriguar lexuesit që botimin e tij të parë e deri më sot, duke qenë një nga klasikët më të pëlqyer të të gjitha kohërave.
Hajdi shkon për të jetuar me gjyshin e saj që kur ishte e vogël. Shtëpia e tij ishte lart në mal, ku ai jetonte i vetmuar larg nga fshati, që ndodhej shumë më poshtë. Për tre vjetët e ardhshëm Hajdi nuk sheh pothuajse askënd tjetër përveç djalit Piter, nënës e gjyshes së tij, por kurrë nuk do të ndihet e vetmuar; ajo jeton së bashku me natyrën, me erën, me diellin, me pemët, me shqiponjat dhe me lulet. Jeta e saj në mal ndërpritet papritur, kur ajo shkon në Frankfurt për të qenë shoqëruese e Klarës, një vajzë që nuk mund të ecë. Hajdi miqësohet shumë me Klarën, por më pas ndjen mungesën e malit dhe të gjyshit të saj të dashur...
Te Hajdi ne shohim vajzën që çdo nënë ëndërron ta ketë.
Shumë më tepër se një histori për fëmijë, ky rrëfim është gjithashtu një mësim për natyrën e pasigurt të lirisë, një luks që shpesh e marrim si të mirëqenë.